AN 05- 05-මුණ්ඩරාජ වර්‍ගය- II

AN 05-05-06- පඤ්ච සම්පදා සූත්‍රය

§’මහණෙනි, මේ සම්පත් පසක් වෙත්.
කවර පසක්ද යත්,

  • ශ්‍රද්‍ධා සම්පත්තිය,
  • ශීල සම්පත්තිය,
  • ශ්‍රුත සම්පත්තිය,
  • ත්‍යාග සම්පත්තිය,
  • ප්‍රඥා සම්පත්තිය යන පසයි.
    මහණෙනි,  මේ  වනාහි සම්පත් පස වෙත්ය”යි වදාළ සේක

Devider 1

AN 07-05-07 – පඤ්ච ධන සූත්‍රය

§’’මහණෙනි, ධන පසක් වෙත්.
කවර පසක්ද යත්?

  • ශ්‍රද්‍ධා ධනය,
  • ශීල ධනය,
  • ශ්‍රුත ධනය,
  • ත්‍යාග ධනය,
  • ප්‍රඥා ධනය, යන පසයි.

§ ’’මහණෙනි, ශ්‍රද්‍ධා ධනය කවරේද?
මහණෙනි, මේ ශාසනයෙහි ආර්‍ය්‍ය ශ්‍රාවකයා  ශ්‍රද්‍ධාව ඇත්තේ වේද, ඒ  ශ්‍රාවකයා භාග්‍යවතුන්න වහන්සේ  අර්හත්ය, සම්‍යක් සම්බුද්‍ධය, විජ්ජාචරණ සම්පන්නය, සුගතය, ලෝකවිදූය, උතුම්වූ පුරුෂයන් හික්මවීමේ රියැදුරෙක, දෙවි මිනිසුන්ට ශාස්තෲය, චතුස්සත්‍යාවබෝධ කෙළේය, භාග්‍යවත්යයි තථාගතයන්ගේ බෝධිය අදහාද, මහණෙනි, මෙය ශ්‍රද්‍ධා ධනයයි කියනු ලැබේ.

§ ’’මහණෙනි, ශීල ධනය කවරේද?
මහණෙනි, මේ ශාසනයෙහි ආර්‍ය්‍ය ශ්‍රාවකයා  සතුන් මැරීමෙන්, සොරකමින්, කාමයෙහි වරදවා හැසිරීමෙන්, මුසාවාදයෙන්, රහමෙර පානයෙන් වෙන්වූයේ වේද, මහණෙනි, මෙය ශීල ධනයයි කියනු ලැබේ.

§ ’’මහණෙනි, ශ්‍රුත ධනය කවරේද?
මහණෙනි, මේ ශාසනයෙහි ආර්‍ය්‍ය ශ්‍රවකයා  බොහෝ ඇසූ පිරූ තැන් ඇත්තේ වේද, ඇසූ දේ සිහියේ ඇත්තේද, අසා සිතේ තැන්පත් කරන්නේද, යම් ධර්මයක්  මුල යහපත්ද, මැද යහපත්ද, අග යහපත්ද, අර්ත්‍ථ සහිත, ව්‍යඤ්ජන සහිත, පරිපූර්‍ණ පිරිසිදුවූ, බ්‍රහ්මචර්‍ය්‍යාව එයින්  ප්‍රකාශ කෙරේද, එබඳු ධර්මයෝ  තමන් දරයිද, වචනයෙන් පුරුදු කරණ ලද්දේ, ප්‍රත්‍යවෙක්‍ෂා කරණ ලද්දේ, දෘෂ්ටියෙන් මනාව ප්‍රතිවේධ කරණ ලද්දේ වේද, මහණෙනි, මෙය ශ්‍රුත ධනයයි කියනු ලැබේ.

§ ’’මහණෙනි, ත්‍යාග ධනය කවරේද,
මහණෙනි, මේ ශාසනයෙහි ආර්‍ය්‍ය ශ්‍රාවකයා,   මුදන ලද ත්‍යාග සිත් ඇත්තේ, පවිත්‍රවූ අත් ඇත්තේ, පරිත්‍යාගයෙහි ඇළුනේ, ඉල්ලීමට සුදුසුවූයේ, දන් බෙදීමෙහි ඇළුනේ, පහවූ මසුරු මළ ඇති සිතින් යුක්තව ගිහිගෙයි වාසය කෙරේද, මහණෙනි, මෙය ත්‍යාග ධනයයි කියනු ලැබේ.

§ ’’මහණෙනි, ප්‍රඥා ධනය කවරේද?
මහණෙනි, මේ ශාසනයෙහි ආර්‍ය්‍ය ශ්‍රාවකයා  ආර්‍ය්‍යවූ කෙලෙස් බිඳීම් ඇත්තාවූ, මනාකොට දුක් ක්‍ෂය කිරීම පිණිස පවත්නාවූ, ඇතිවීම නැතිවීම දැනගන්නා පිණිස පවත්නාවූ ප්‍රඥාවෙන් යුක්තවූයේ, නුවණැත්තේ වේද, මහණෙනි, මෙය ප්‍රඥා ධනයයි කියනු ලැබේ.

මහණෙනි, මේ  වනාහි ධන පස වෙත්යයි වදාළ සේක.

’’යමෙකුගේ ශ්‍රද්‍ධාව  තථාගතයන් කෙරේ නොසැලී  දෘඪව  මනාකොට පිහිටන ලද්දීද, යමෙකුගේ යහපත්වූ, ආර්‍ය්‍යයන් කැමතිවූ, ප්‍රශංසා කරණ ලද්දක් වේද,
’’යමෙකුගේ සංඝයා කෙරෙහි ප්‍රසාදය ඇත්තේද, ඎජුවූ දර්‍ශනය ඇත්තේද, ඔහු දිළින්දෙක් නොවේයයි කියත්. ඔහුගේ ජීවිතය නොසිස් වේ.

’’එහෙයින් නුවණැත්තේ, ශ්‍රද්‍ධාවද, ශීලයද, ප්‍රසාදයද, ධර්ම දර්‍ශනයද යන මෙහි බුදුවරයන්ගේ අනුශාසනය සිහිකරමින් යෙදෙන්නේය’’ යි වදාළ සේක.

Devider 1

AN 07-05-08. අලබ්භනීයඨාන සූත්‍රය

§’’මහණෙනි, ශ්‍රමණයෙකු විසින් හෝ, බ්‍රාහ්මණයෙකු විසින් හෝ, දෙවියෙකු විසින් හෝ, මාරයෙකු විසින් හෝ, බ්‍රහ්මයෙකු විසින් හෝ, ලොකයෙහි කිසිවෙකු විසිනුත් නොලැබිය හැක්කාවූ මේ කරුණු පසක් වෙත්.
කවර පසක්ද යත්?

  • ’’ජරා ධර්‍මය
    ’’තමන්  නො දිරාවායි, (වියපත් නොවේවා, මහළු බවට නොඑවා’යි) ශ්‍රමණයෙකු විසින් හෝ, බ්‍රාහ්මණයෙකු විසින් හෝ, දෙවියෙකු විසින් හෝ, මාරයෙකු විසින් හෝ, බ්‍රහ්මයෙකු විසින් හෝ, ලොකයෙහි කිසිවෙකු විසිනුත් පැතුවත් එය සිදුවිය හැක්කක් නොවේ.
  • ’’ව්‍යාධි ධර්‍මය
    තමන් රෝගී නොවේවා, කිසි ව්‍යාධියකට නොවේවා, නොපෙලාවායි, සැමකල්හි  නිරෝගිව ඉන්දිම්හ’යි   ශ්‍රමණයෙකු විසින් හෝ, බ්‍රාහ්මණයෙකු විසින් හෝ, දෙවියෙකු විසින් හෝ, මාරයෙකු විසින් හෝ, බ්‍රහ්මයෙකු විසින් හෝ, ලොකයෙහි කිසිවෙකු විසිනුත් නොලැබිය හැකි කරුණක් වේ.
  • මරණ ධර්‍මය
    තමන්  නොමියේවායි ශ්‍රමණයෙකු විසින් හෝ, බ්‍රාහ්මණයෙකු විසින් හෝ, දෙවියෙකු විසින් හෝ, මාරයෙකු විසින් හෝ, බ්‍රහ්මයෙකු විසින් හෝ, ලොකයෙහි කිසිවෙකු විසිනුත් නොලැබිය හැකි කරුණක් වේ.
  • ක්‍ෂය ධර්‍මය
    ක්‍ෂය නොවේවායි ශ්‍රමණයෙකු විසින් හෝ, බ්‍රාහ්මණයෙකු විසින් හෝ, දෙවියෙකු විසින් හෝ, මාරයෙකු විසින් හෝ, බ්‍රහ්මයෙකු විසින් හෝ, ලොකයෙහි කිසිවෙකු විසිනුත් නොලැබිය හැකි කරුණක් වේ.
  • නැසෙන ධර්‍මය
    නොනසීවායි, ශ්‍රමණයෙකු විසින් හෝ, බ්‍රාහ්මණයෙකු විසින් හෝ, දෙවියෙකු විසින් හෝ, මාරයෙකු විසින් හෝ, බ්‍රහ්මයෙකු විසින් හෝ, ලොකයෙහි කිසිවෙකු විසිනුත් නොලැබිය හැකි කරුණක් වේ.

’’මහණෙනි, අශ්‍රුතවත්වූ පෘථග්ජනයාගේ ජරා ධර්‍මය දිරයි. හෙතෙම ජරා ධර්‍මය දිරූ කල්හි මෙසේ නොසළකයි. එකලාවූ මාගේම ජරා ධර්‍මය නොදිරයි. වැලිදු සත්ත්‍වයන්ගේ ඊම, යාම, චුතවීම, ඉපදීම යම්තාක් වේද, සියලු සත්ත්‍වයන්ගේ ජරා ධර්‍මය දිරයි. මමද වනාහි ජරා ධර්‍මය දිරූ කල්හි ශොක කරන්නෙමි.
’’වෙහෙසෙන්නම් නම්, වැළපෙන්නෙම් නම්, ළෙහි අත් ගසමින් හඬන්නෙම් නම්, මුළාවට පැමිණෙම් නම් ආහාරයද මට රුචි නොවන්නේය. ශරීරයෙහිද දුර්‍වර්‍ණභාවයට බැස ගන්නේය. කර්‍මාන්තයෝද නොපවත්නාහුය. පසමිතුරෝද සතුටු වන්නාහුය, මිතුරෝද නොසතුටු වන්නාහුයයි,
’’ජරා ධර්‍මය දිරූ කල්හි,
’’ශොක කරයි, වෙහෙසෙයි, වැළපෙයි, ළෙහි අත් ගසමින් හඬයි, මුළාවට පැමිණෙයි.
’’මහණෙනි, මේ අශ්‍රුතවත් පෘතග්ජන තෙම විෂ සහිතවූ ශොක නමැති හුලෙන් විදිනා ලද්දේ, තමන්ම තවායයි තියනු ලැබේ.
’’නැවත අනිකක්ද කියමි. මහණෙනි, අශ්‍රුතවත්වූ ප්‍රතග්ජනයාගේ ව්‍යාධි ධර්‍මය පෙලයි. හෙතෙම ව්‍යාධි ධර්‍මය පෙළූ කල්හි මෙසේ නොසලකයි. එකළාවූ මාගේම ව්‍යාධි ධර්‍මය නොපෙළයි. වැලිදු සත්ත්‍වයන්ගේ ඊම, යාම, චුතවීම, ඉපදීම, යම් තාක් වේද, සියලු සත්ත්‍වයන්ගේ ව්‍යාධි ධර්මය පෙළයි. මමද වනාහි ව්‍යාධි ධර්‍මය පෙළූ කල්හි ශොක කරන්නෙම් වෙහෙසෙන්නම් නම්, වැළපෙන්නෙම් නම්, ළෙහි අත් ගසමින් හඬන්නෙම් නම්, මුළාවට පැමිණෙම් නම් ආහාරයද මට රුචි නොවන්නේය. ශරීරයෙහිද දුර්‍වර්‍ණභාවයට බැස ගන්නේය. කර්‍මාන්තයෝද නොපවත්නාහුය. පසමිතුරෝද සතුටු වන්නාහුය, මිතුරෝද නොසතුටු වන්නාහුයයි, හෙතෙම ව්‍යාධි ධර්මය පෙලූ කල්හි ශොක කරයි, වෙහෙසෙයි, වැළපෙයි, ළෙහි අත් ගසමින් හඬයි, මුළාවට පැමිණෙයි. මරණ ධර්මය මරයි. හෙතෙම මරණ ධර්මය මියගිය කල්හි මෙසේ නොසලකයි. එකළාවූ මාගේම මරණ ධර්මය මියයයි. වැලිදු සත්ත්‍වයන්ගේ ඊම, යාම, චුතවීම, ඉපදීම, යම් තාක් වේද, සියලු සත්ත්‍වයන්ගේ මරණ ධර්මය මියයයි. මමද වනාහි මියගිය කල්හි ශොක කරන්නෙම්, වෙහෙසෙන්නම් නම්, වැළපෙන්නෙම් නම්, ළෙහි අත් ගසමින් හඬන්නෙම් නම්, මුළාවට පැමිණෙම් නම් ආහාරයද මට රුචි නොවන්නේය. ශරීරයෙහිද දුර්‍වර්‍ණභාවයට බැස ගන්නේය. කර්‍මාන්තයෝද නොපවත්නාහුය. පසමිතුරෝද සතුටු වන්නාහුය, මිතුරෝද නොසතුටු වන්නාහුයයි, හෙතෙම මරණ ධර්මය මරණ කල්හි ශොක කරයි, වෙහෙසෙයි, වැළපෙයි, ළෙහි අත් ගසමින් හඬයි, මුළාවට පැමිණෙයි. ක්‍ෂය ධර්මය ක්‍ෂය වෙයි. හෙතෙම ක්‍ෂය ධර්‍මය ක්‍ෂයවූ කල්හි මෙසේ නොසලකයි. එකළාවූ මාගේ ක්‍ෂය ධර්‍මය ක්‍ෂය වෙයි. වැලිදු සත්ත්‍වයන්ගේ ඊම, යාම, චුතවීම, ඉපදීම, යම් තාක් වේද, සියලු සත්ත්‍වයන්ගේ ක්‍ෂය ධර්මය ක්‍ෂය වෙයි. මමද වනාහි ක්‍ෂය ධර්මය ක්‍ෂයවූ කල්හි ශොක කරන්නෙම් වෙහෙසෙන්නම් නම්, වැළපෙන්නෙම් නම්, ළෙහි අත් ගසමින් හඬන්නෙම් නම්, මුළාවට පැමිණෙම් නම් ආහාරයද මට රුචි නොවන්නේය. ශරීරයෙහිද දුර්‍වර්‍ණභාවයට බැස ගන්නේය. කර්‍මාන්තයෝද නොපවත්නාහුය. පසමිතුරෝද සතුටු වන්නාහුය, මිතුරෝද නොසතුටු වන්නාහුයයි, හෙතෙම ක්‍ෂය ධර්මය ක්‍ෂය කරණ කල්හි ශොක කරයි, වෙහෙසෙයි, වැළපෙයි, ළෙහි අත් ගසමින් හඬයි, මුළාවට පැමිණෙයි. නැසෙන ධර්මය නසියි. හෙතෙම නැසෙන ධර්මය නට කල්හි මෙසේ නොසලකයි. එකළාවූ මාගේම නැසෙන ධර්මය නොනසියි. වැලිදු යම්තාක් සත්ත්‍වයන්ගේ ඊම, යාම, චුතවීම, ඉපදීම, වේද, සියලු සත්ත්‍වයන්ගේ නැසෙන ධර්මය නසියි. මමද වනාහි නැසෙන ධර්මය නට කල්හි ශොක කරන්නෙම් නම් වෙහෙසෙන්නම් නම්, වැළපෙන්නෙම් නම්, ළෙහි අත් ගසමින් හඬන්නෙම් නම්, මුළාවට පැමිණෙම් නම් ආහාරයද මට රුචි නොවන්නේය. ශරීරයෙහිද දුර්‍වර්‍ණභාවයට බැස ගන්නේය. කර්‍මාන්තයෝද නොපවත්නාහුය. පසමිතුරෝද සතුටු වන්නාහුය, මිතුරෝද නොසතුටු වන්නාහුයයි, හෙතෙම නැසෙන ධර්මය නට කල්හි, ශොක කරයි, වෙහෙසෙයි, වැළපෙයි, ළෙහි අත් ගසමින් හඬයි, මුළාවට පැමිණෙයි.
’’මහණෙනි, ශ්‍රුතවත් ආර්‍ය්‍ය ශ්‍රාවකයාගේද වනාහි ජරා ධර්‍මය දිරයි. හෙතෙම ජරා ධර්‍මය දිරූ කල්හි මෙසේ නොසළකයි. එකලාවූ මාගේම ජරා ධර්‍මය නොදිරයි. වැලිදු සත්ත්‍වයන්ගේ ඊම, යාම, චුතවීම, ඉපදීම යම්තාක් වේද, සියලු සත්ත්‍වයන්ගේ ජරා ධර්‍මය දිරයි. මමද වනාහි ජරා ධර්‍මය දිරූ කල්හි ශොක කරන්නෙමි. වෙහෙසෙන්නම් නම්, වැළපෙන්නෙම් නම්, ළෙහි අත් ගසමින් හඬන්නෙම් නම්, මුළාවට පැමිණෙම් නම් ආහාරයද මට රුචි නොවන්නේය. ශරීරයෙහිද දුර්‍වර්‍ණභාවයට බැස ගන්නේය. කර්‍මාන්තයෝද නොපවත්නාහුය. පසමිතුරෝද සතුටු වන්නාහුය, මිතුරෝද නොසතුටු වන්නාහුයයි,
’’හෙතෙම ජරා ධර්මය දිරූ කල්හි
’’ශොක නොකරයි. නොවෙහෙසෙයි. නොවැළපෙයි. ළෙහි අත් ගසමින් නොහඬයි. මුළාවට නොපැමිණෙයි. මහණෙනි, මේ ශ්‍රුතවත්වූ ආර්‍ය්‍ය ශ්‍රාවක තෙම යමකින් විදින ලද්දාවූ අශ්‍රුතවත් පෘතග්ජන තෙම තමන්ම තවාද, එබඳුවු විෂ සහිතවූ, ශොක නමැති හුල ඇද දැම්මේය. ශොක රහිතවූ, ඇද දමන ලද හුල් ඇත්තාවූ, ආර්‍ය්‍ය ශ්‍රාවක තෙම තමන්ම පිරිනිවේයයි කියනු ලැබේ.
’’නැවත අනිකක්ද කියමි. මහණෙනි, ශ්‍රුතවත්වූ ආර්‍ය්‍ය ශ්‍රාවකයාගේ ව්‍යාධි ධර්‍මය පෙළයි. හෙතෙම ව්‍යාධි ධර්‍මය පෙලූ කල්හි මෙසේ නොසළකයි. එකළාවූ මාගේ ව්‍යාධි ධර්‍මය නොපෙළෙයි. වැළිදු සත්ත්‍වයන්ගේ ඊම, යාම, චුතවීම, ඉපදීම, යම්තාක් වේද, සියලු සත්ත්‍වයන්ගේ ව්‍යාධි ධර්‍මය පෙලයි. මමද වනාහි ව්‍යාධි ධර්‍මය පෙලූ කල්හි ශොක නොකරන්නෙමි. වෙහෙසෙන්නම් නම්, වැළපෙන්නෙම් නම්, ළෙහි අත් ගසමින් හඬන්නෙම් නම්, මුළාවට පැමිණෙම් නම් ආහාරයද මට රුචි නොවන්නේය. ශරීරයෙහිද දුර්‍වර්‍ණභාවයට බැස ගන්නේය. කර්‍මාන්තයෝද නොපවත්නාහුය. පසමිතුරෝද සතුටු වන්නාහුය, මිතුරෝද නොසතුටු වන්නාහුයයි, හෙතෙම ව්‍යාධි ධර්මය පෙළූ කල්හි ශොක නොකරයි. නොවෙහෙසෙයි. නොවැළපෙයි. ළෙහි අත් ගසමින් නොහඬයි. මුළාවට නොපැමිණෙයි. මහණෙනි, මේ ශ්‍රුතවත්වූ ආර්‍ය්‍ය ශ්‍රාවක තෙම යමකින් විදින ලද්දාවූ අශ්‍රුතවත් පෘතග්ජන තෙම තමන්ම තවාද, එබඳුවු විෂ සහිතවූ, ශොක නමැති හුල ඇද දැම්මේය. ශොක රහිතවූ, ඇද දමන ලද හුල් ඇත්තාවූ, ආර්‍ය්‍ය ශ්‍රාවක තෙම තමන්ම පිරිනිවේයයි කියනු ලැබේ.
’’මරණ ධර්‍මය මියයි. හෙතෙම මරණ ධර්‍මය මිය ගිය කල්හි මෙසේ නොසළකයි. එකළාවූ මාගේම මරණ ධර්‍මය නොමියයි. වැළිදු සත්ත්‍වයන්ගේ ඊම, යාම, චුතවීම, ඉපදීම, යම්තාක් වේද, සියලු සත්ත්‍වයන්ගේ මරණ ධර්‍මය මියයයි. මමද වනාහි මරණ ධර්‍මය මිය ගිය කල්හි ශොක නොකරන්නෙමි. වෙහෙසෙන්නම් නම්, වැළපෙන්නෙම් නම්, ළෙහි අත් ගසමින් හඬන්නෙම් නම්, මුළාවට පැමිණෙම් නම් ආහාරයද මට රුචි නොවන්නේය. ශරීරයෙහිද දුර්‍වර්‍ණභාවයට බැස ගන්නේය. කර්‍මාන්තයෝද නොපවත්නාහුය. පසමිතුරෝද සතුටු වන්නාහුය, මිතුරෝද නොසතුටු වන්නාහුයයි, හෙතෙම මරණ ධර්‍මය මරණ කල්හි ශොක නොකරයි. නොවෙහෙසෙයි. නොවැළපෙයි. ළෙහි අත් ගසමින් නොහඬයි. මුළාවට නොපැමිණෙයි. මහණෙනි, මේ ශ්‍රුතවත්වූ ආර්‍ය්‍ය ශ්‍රාවක තෙම යමකින් විදින ලද්දාවූ අශ්‍රුතවත් පෘතග්ජන තෙම තමන්ම තවාද, එබඳුවු විෂ සහිතවූ, ශොක නමැති හුල ඇද දැම්මේය. ශොක රහිතවූ, ඇද දමන ලද හුල් ඇත්තාවූ, ආර්‍ය්‍ය ශ්‍රාවක තෙම තමන්ම පිරිනිවේයයි කියනු ලැබේ.
’’ක්‍ෂය වන ධර්‍මය ක්‍ෂය වෙයි. හෙතෙම ක්‍ෂය ධර්‍මය ක්‍ෂය වෙයි මෙසේ නොසළකයි. එකළාවූ මාගේම ක්‍ෂය ධර්‍මය ක්‍ෂය නොවෙයි. වැළිදු සත්ත්‍වයන්ගේ ඊම, යාම, චුතවීම, ඉපදීම, යම්තාක් වේද, සියලු සත්ත්‍වයන්ගේ ක්‍ෂය ධර්‍මය ක්‍ෂය වෙයි. මමද වනාහි ක්‍ෂය ධර්‍මය ක්‍ෂයවූ කල්හි ශොක කරන්නෙම් වෙහෙසෙන්නම් නම්, වැළපෙන්නෙම් නම්, ළෙහි අත් ගසමින් හඬන්නෙම් නම්, මුළාවට පැමිණෙම් නම් ආහාරයද මට රුචි නොවන්නේය. ශරීරයෙහිද දුර්‍වර්‍ණභාවයට බැස ගන්නේය. කර්‍මාන්තයෝද නොපවත්නාහුය. පසමිතුරෝද සතුටු වන්නාහුය, මිතුරෝද නොසතුටු වන්නාහුයයි, හෙතෙම ක්‍ෂය ධර්මය ක්‍ෂය කරණ කල්හි ශොක නොකරයි. නොවෙහෙසෙයි. නොවැළපෙයි. ළෙහි අත් ගසමින් නොහඬයි. මුළාවට නොපැමිණෙයි. මහණෙනි, මේ ශ්‍රුතවත්වූ ආර්‍ය්‍ය ශ්‍රාවක තෙම යමකින් විදින ලද්දාවූ අශ්‍රුතවත් පෘතග්ජන තෙම තමන්ම තවාද, එබඳුවු විෂ සහිතවූ, ශොක නමැති හුල ඇද දැම්මේය. ශොක රහිතවූ, ඇද දමන ලද හුල් ඇත්තාවූ, ආර්‍ය්‍ය ශ්‍රාවක තෙම තමන්ම පිරිනිවේයයි කියනු ලැබේ.
’’නැසෙන ධර්‍මය නසියි. හෙතෙම නැසෙන ධර්‍මය නැසුනු කල්හි මෙසේ සළකයි. එකළාවූ මාගේම නැසෙන ධර්‍මය නොනසියි. වැළිදු යම්තාක් සත්ත්‍වයන්ගේ ඊම, යාම, චුතවීම, ඉපදීම වේද, ඒ සියලු සත්ත්‍වයන්ගේ නැසෙන ධර්‍මය නසියි. මමද වනාහි නැසෙන ධර්‍මය නැසුනු කල්හි ශොක කරන්නෙම් නම්, වෙහෙසෙන්නම් නම්, වැළපෙන්නෙම් නම්, ළෙහි අත් ගසමින් හඬන්නෙම් නම්, මුළාවට පැමිණෙම් නම් ආහාරයද මට රුචි නොවන්නේය. ශරීරයෙහිද දුර්‍වර්‍ණභාවයට බැස ගන්නේය. කර්‍මාන්තයෝද නොපවත්නාහුය. පසමිතුරෝද සතුටු වන්නාහුය, මිතුරෝද නොසතුටු වන්නාහුයයි,
’’හෙතෙම නැසෙන ධර්මය නැසුනු කල්හි ශොක නොකරයි. නොවෙහෙසෙයි. නොවැළපෙයි. ළෙහි අත් ගසමින් නොහඬයි. මුළාවට නොපැමිණෙයි. මහණෙනි, මේ ශ්‍රුතවත්වූ ආර්‍ය්‍ය ශ්‍රාවක තෙම යමකින් විදින ලද්දාවූ අශ්‍රුතවත් පෘතග්ජන තෙම තමන්ම තවාද, එබඳුවු විෂ සහිතවූ, ශොක නමැති හුල ඇද දැම්මේය. ශොක රහිතවූ, ඇද දමන ලද හුල් ඇත්තාවූ, ආර්‍ය්‍ය ශ්‍රාවක තෙම තමන්ම පිරිනිවේයයි කියනු ලැබේ.
’’ශොක රහිතවූ, ඇද දැමූ හුල් ඇත්තාවූ, ආර්‍ය්‍ය ශ්‍රාවක තෙම තමන්ම පිරිනිවේයයි කියනු ලැබේ. මොහු වනාහි ශ්‍රමණයෙකු විසින් හෝ, බ්‍රාහ්මණයෙකු විසින් හෝ දෙවියෙකු විසින් හෝ, මාරයෙකු විසින් හෝ බ්‍රහ්මයෙකු විසින් හෝ ලෝකයෙහි කිසිවෙකු විසිනුත් නොලැබිය හැකි කරුණු පස වෙත්යයි වදාළ සේක’’
(1) ශොක කිරීමෙන්ද, වැළපීමෙන්ද, ස්වල්පවූද ප්‍රයෝජනයකුත් ලැබිය නොහැක්කේය. ශොක කරන්නාවූ, දුකට පැමිණියාවූ, මොහු දැන පස මිතුරෝ සතුටු සිත් ඇත්තෝ වෙත්.
(2) ’’යම් කලෙක්හි වනාහි කරුණාවන්තවූ, අර්ත්‍ථ විනිශ්චයෙහි දක්‍ෂවූ, පණ්ඩිත තෙම විපත්වලදී කම්පා නොවේද, එකල්හි මොහුගේ පසමිතුරෝ විකාර නොවූ, පැරණි මුහුණ දැක දුක් වූවාහු වෙත්.
(3) ’’ගුණ කීමෙන්ද, මන්ත්‍ර පිරවීමෙන්ද, යහපත් වචනයෙන්ද, වස්තු දීමෙන්ද, කුල ප්‍රවේනිය කීමෙන්ද, යම් යම් පරිද්දකින්, යම් යම් තැනෙක්හි ප්‍රයෝජනය ලබන්නේද, ඒ ඒ පරිද්දෙන්, ඒ ඒ තන්හි උත්සාහ කරන්නේය.
(4) ’’ඉදින් මා විසින්ද, අනිකා විසින්ද, මේ අර්ත්‍ථය නොලැබිය හැක්කේයයි දන්නේ නම්, ශොක නොකරන්නාවූ හෙතෙම මාගේ කර්‍මය දැඩිවේ. දැන් කුමක් කරම්දැයි, ඉවසන්නේයයි වදාළ සේක.

Devider 1

AN 07-05-09. කොසල සුත්තං
පසෙනදි අලබ්භනීයඨාන සූත්‍රය

§’’එක් කලෙක්හි භාග්‍යවතුන් වහන්සේ, සැවැත් නුවර සමීපයෙහි වූ, අනේපිඬු මහ සිටානන් විසින් කරවන ලද ජේතවනාරාමයෙහි වැඩ වසන සේක.
’’එකල්හි වනාහි පසෙනදි කොසොල් රජ තෙම භාග්‍යවතුන් වහන්සේ, යම් තැනෙක්හිද, එතැනට එළඹියේය. එළඹ, භාග්‍යවතුන් වහන්සේට සකස්කොට වැඳ, එකත්පස්ව හුන්නේය. ඉක්බිති එක්තරා පුරුෂයෙක් පසේනදි කොසොල් රජ තෙම යම් තැනෙක්හිද. එතැනට එළඹියේය. එළඹ, පසේනදි කොසොල් රජහුගේ කන ළඟ. ’’දේවයන් වහන්ස, මල්ලිකා දේවී තොමෝ කළුරිය කළාය’’ යි දැනවූයේය.
’’මෙසේ කී කල්හි පසේනදි කොසොල් රජ තෙම දුක් වූයේ, නොසතුටු වූයේ, පතිතවූ කඳ ඇත්තේ, යටිකුරුවූ මුහුණ ඇත්තේ, සිතිවිලි සිතන්නේ, වැටහීම් රහිතවූයේ, හුන්නේය. ඉක්බිති භාග්‍යවතුන් වහන්සේ දුක්වූ, නොසතුටුවූ, පතිතවූ කඳ ඇති, යටිකුරු මුහුණ ඇති, සිතුවිලි සිතන්නාවූ, වැටහීම් රහිතවූ, පසෙනදි කොසොල් රජහු දැක, පසෙනදි කොසොල් රජහුට මෙය වදාළ සේක.
’’මහරජ, ශ්‍රමණයෙකු විසින් හෝ, බ්‍රාහ්මණයෙකු විසින් හෝ, දෙවියෙකු විසින් හෝ, මාරයෙකු විසින් හෝ, බ්‍රහ්මයෙකු විසින් හෝ, ලොකයෙහි කිසිවෙකු විසිනුත් නොලැබිය හැක්කාවූ මේ කරුණු පසක් වෙත්. කවර පසක්ද යත්?
’’ජරා ධර්‍මය නොදිරාවායි,
’’ ශ්‍රමණයෙකු විසින් හෝ, බ්‍රාහ්මණයෙකු විසින් හෝ, දෙවියෙකු විසින් හෝ, මාරයෙකු විසින් හෝ, බ්‍රහ්මයෙකු විසින් හෝ, ලොකයෙහි කිසිවෙකු විසිනුත් නොලැබිය හැකි කරුණක් වේ.
’’ව්‍යාධි ධර්‍මය නොපෙලාවායි ශ්‍රමණයෙකු විසින් හෝ, බ්‍රාහ්මණයෙකු විසින් හෝ, දෙවියෙකු විසින් හෝ, මාරයෙකු විසින් හෝ, බ්‍රහ්මයෙකු විසින් හෝ, ලොකයෙහි කිසිවෙකු විසිනුත් නොලැබිය හැකි කරුණක් වේ. මරණ ධර්‍මය නොමියේවායි ශ්‍රමණයෙකු විසින් හෝ, බ්‍රාහ්මණයෙකු විසින් හෝ, දෙවියෙකු විසින් හෝ, මාරයෙකු විසින් හෝ, බ්‍රහ්මයෙකු විසින් හෝ, ලොකයෙහි කිසිවෙකු විසිනුත් නොලැබිය හැකි කරුණක් වේ. ක්‍ෂය ධර්‍මය ක්‍ෂය නොවේවායි ශ්‍රමණයෙකු විසින් හෝ, බ්‍රාහ්මණයෙකු විසින් හෝ, දෙවියෙකු විසින් හෝ, මාරයෙකු විසින් හෝ, බ්‍රහ්මයෙකු විසින් හෝ, ලොකයෙහි කිසිවෙකු විසිනුත් නොලැබිය හැකි කරුණක් වේ. නැසෙන ධර්‍මය නොනසීවායි, ශ්‍රමණයෙකු විසින් හෝ, බ්‍රාහ්මණයෙකු විසින් හෝ, දෙවියෙකු විසින් හෝ, මාරයෙකු විසින් හෝ, බ්‍රහ්මයෙකු විසින් හෝ, ලොකයෙහි කිසිවෙකු විසිනුත් නොලැබිය හැකි කරුණක් වේ.

Devider 1

AN 07-05-10. නාරද  සුත්ත නොහොත්  මුණ්ඩරාජ සූත්‍රය


§එක් කලෙක්හි ආයුෂ්මත් නාරද ස්ථවිර තෙම පැළලුප් නුවර කුක්කුටාරාමයෙහි වාසය කරයි. එකල්හි වනාහි,
’’මුණ්ඩ නම් රජුගේ ප්‍රියවූ, මනාපවූ, භද්‍රා නම් දේවී තොමෝ කළුරිය කරණ ලද්දී වේ. හෙතෙම ප්‍රියවූ මනාපවූ භද්‍රා නම් දේවිය කළුරිය කළ කල්හි නොම ස්නානය කරයි. සුවඳ නොගල්වයි. ආහාර අනුභව නොකරයි. කර්‍මාන්තය නොයොදවයි. රෑ දාවල් දෙක්හි භද්‍රා නම් දේවියගේ ශරීරයෙහි අධික ආශාවෙන් මුසපත්වූයේ වෙයි..
’’ඉත්බිති මුණ්ඩ නම් රජ තෙම පියක නම් කොටු ගුල් රක්නහු කැඳවූයේය. ’’එසේ වී නම් යහළු පියකය, භද්‍රා නම් දේවියගේ ශරීරය අයොමය තෙල් ඔරුවෙක්හි බහා අනික් අයොමය ඔරුවකින් වසව්. යම් සේ අපි භද්‍රා නම් දේවියගේ ශරීරය ඉතා බොහෝ කලක් දක්නෙම්ද,’’ ’’එසේය, දේවයන් වහන්ස, එසේය’’ යි කියා පියක නම් කොෂ්ටාරක්‍ෂක තෙම මුණ්ඩ නම් රජහට ප්‍රති වචන දී, භද්‍රා නම් දේවියගේ ශරීරය අයෝමය තෙල් ඔරුවෙක්හි බහා අන්‍යවූ අයෝමය ඔරුවෙකින් වැසුයේය.
ඉක්බිති පියක නම් කොෂ්ටාරක්‍ෂකයාට මෙබඳු අදහසක් විය. ’’මුණ්ඩ නම් රජුගේ ප්‍රියවූ, මනාපවූ, භද්‍රා නම් දේවී තොමෝ කළුරිය කරණ ලද්දී වේ. හෙතෙම ප්‍රියවූ මනාපවූ භද්‍රා නම් දේවිය කළුරිය කළ කල්හි නොම ස්නානය කරයි. සුවඳ නොගල්වයි. ආහාර අනුභව නොකරයි. කර්‍මාන්තය නොයොදවයි. රෑ දාවල් දෙක්හි භද්‍රා නම් දේවියගේ ශරීරයෙහි අධික ආශාවෙන් මුසපත්වූයේ වෙයි..
’’මුණ්ඩ නම් රජ තෙම යමෙකුගේ ධර්මයක් අසා ශොක නමැති හුල දුරු කරන්නේද, එබඳුවූ කවර නම් ශ්‍රමණයෙකු හෝ බ්‍රාහ්මණයෙකු හෝ පර්‍ය්‍යුපාසනය කරන්නේද?’’ ඉක්බිති පියක නම් කොෂ්ටාරක්‍ෂකයාට මේ අදහස විය.
’’මේ ආයුෂ්මත් නාරද ස්ථවිර තෙම වනාහි පැළලුප් නුවර කුක්කුටාරාමයෙහි වාසය කරයි. ඒ ආයුෂ්මත් නාරද ස්ථවිරයන් වනාහි පණ්ඩිතය, ව්‍යක්තය, නුවණ ඇත්තේය, බහුශ්‍රුතය, විසිතුරු කථා ඇත්තේය. යහපත් වැටහීම් ඇත්තේය. වැඩිමහළු වූයේද, රහත් වූයේද වේය’’ යි මෙසේ යහපත්වූ ගුණ ඝෝෂාවෙක් පැන නැංගේය.
’’මුණ්ඩ නම් රජ තෙම, ආයුෂ්මත් නාරද ස්ථවිරයන් පර්‍ය්‍යුපාසනය කරන්නේ නම් ඉතා යෙහෙක. මුණ්ඩ නම් රජ තෙම, ආයුෂ්මත් නාරද ස්ථවිරයන්ගේ ධර්‍මයක් අසා ශොක නමැති හුල දුරු කරන්නේ නම් ඉතා යෙහෙකැ’’ යි, ඉක්බිති පියක නම් කොෂ්ටාරක්‍ෂක තෙම මුණ්ඩ නම් රජ යම් තැනෙක්හිද, එතැනට පැමිණියේය. පැමිණ, මුණ්ඩ නම් රජුට මෙය කීයේය.
’’දේවයන් වහන්ස, මේ ආයුෂ්මත් නාරද ස්ථවිර තෙම වනාහි පැළලුප් නුවර කුක්කුටාරාමයෙහි වාසය කරයි. ඒ ආයුෂ්මත් නාරද ස්ථවිරයන් වනාහි පණ්ඩිතය, ව්‍යක්තය, නුවණ ඇත්තේය, බහුශ්‍රුතය, විසිතුරු කථා ඇත්තේය. යහපත් වැටහීම් ඇත්තේය. වැඩිමහළු වූයේද, රහත් වූයේද වේය’’ යි මෙසේ යහපත්වූ ගුණ ඝෝෂාවෙක් පැන නැංගේය. ඉදින් වනාහි දේවයන් වහන්සේ ආයුෂ්මත් නාරද ස්ථවිරයන් වහන්සේ ඇසුරු කරන්නේ නම්, දේවයන් වහන්සේ ආයුෂ්මත් නාරද ස්ථවිරයන්ගේ ධර්‍මයක් අසා ශොක නමැති හුල දුරු කරන්නේ නම් ඉතා යෙහෙක’’ කියායි.
එසේ වීනම් යහළු පියකය, ආයුෂ්මත් නාරද ස්ථවිරයන් වහන්සේට දැනුම් දෙව. කෙසේ නම් මා වැන්නෙක් රාජ්‍යයෙහි වාසය කරන්නාවූ ශ්‍රමණයෙකු හො බ්‍රාහ්මණයෙකු වෙත, පළමු නොදන්වන ලද්දේ එළඹියයුතුයයි හඟින්නේද?’’
’’දේවයන් වහන්ස, එසේය’’ යි කියා පියක නම් කොෂ්ටාරක්‍ෂක තෙම මුණ්ඩ නම් රජහට උත්තර දී, ආයුෂ්මත් නාරද ස්ථවිරයන් යම් තැනෙක්හිද, එතනට පැමිණියේය. පැමිණ, ආයුෂ්මත් නාරද ස්ථවිරයන් වහන්සේට සකස් කොට වැඳ, එකත්පස්ව හුන්නේය.
’’එකත්පසෙක හුන්නාවූම පියක නම් කොෂ්ටාරක්‍ෂක තෙම ආයුෂ්මත් නාරද ස්ථවිරයන්ට මෙය කීයේය. ’’ස්වාමීනි, මුණ්ඩ නම් රජුගේ ප්‍රියවූ, මනාපවූ, භද්‍රා නම් දේවී තොමෝ කළුරිය කරණ ලද්දී වේ. හෙතෙම ප්‍රියවූ මනාපවූ භද්‍රා නම් දේවිය කළුරිය කළ කල්හි නොම ස්නානය කරයි. සුවඳ නොගල්වයි. ආහාර අනුභව නොකරයි. කර්‍මාන්තය නොයොදවයි. රෑ දාවල් දෙක්හි භද්‍රා නම් දේවියගේ ශරීරයෙහි අධික ආශාවෙන් මුසපත්වූයේ වෙයි. ස්වාමීනි, ආයුෂ්මත් නාරද ස්ථවිර තෙම මුණ්ඩ නම් රජහට යම්සේ මුණ්ඩ නම් රජ තෙම ආයුෂ්මත් නාරද ස්ථවිරයන් වහන්සේ ගේ ධර්‍මයක් අසා ශොක නමැති හුල දුරු කරන්නේද, එසේ ධර්‍මයක් දේශනා කරණ සේක්වා’’ යි.
’’පියකය, මුණ්ඩ නම් රජ තෙම යමක් සඳහා කාලය හඟීද, එයට දැන් සුදුසුය’’ යි කීයේය. ඉක්බිති පියක නම් කොෂ්ටාරක්‍ෂක තෙම හුනස්නෙන් නැගිට ආයුෂ්මත් නාරද ස්ථවිරයන්ට සකස්කොට වැඳ, ප්‍රදක්‍ෂිණාකොට, මුණ්ඩ නම් රජ යම් තැනෙක්හිද, එතැනට පැමිණියේය. පැමිණ, මුණ්ඩ නම් රජුට මෙය කීයේය. ’’දේවයන් වහන්ස, දේවයන් වහන්සේ යමකට කල් හඟීද, දැන එයට සුදුසුය’’ යි ආයුෂ්මත් නාරද ස්ථවිරයන් විසින් කරණ ලද අවකාශ ඇත්තේමය’’ යි.
’’එසේ වී නම්, යහළු පියකය, සොඳුරු සොඳුරු යානාවන් යොදවව’’ යි – ’’දේවයන් වහන්ස, එසේය’’ කියා පියක නම් කොෂ්ටාරක්‍ෂක තෙම මුණ්ඩ නම් රජුට පිළිවදන් දී, සොඳුරු සොඳුරු යානාවන් යොදවා මුණ්ඩ නම් රජුට මෙය කීයේය. ’’දේවයන් වහන්ස, ඔබ වහන්සේට සොඳුරු සොඳුරු යානාවෝ යොදවන ලදහ. දේවයන් වහන්සේ යමකට කල් හඟීද, එයට දැන් සුදුසුය’’ යි.
’’ඉක්බිති මුණ්ඩ නම් රජ තෙම සොඳුරුවූ යානාවකට නැඟී, සොඳුරු යානාවන් සමග කුක්කුටාරාමය යම් තැනෙක්හිද, එතැනට මහත්වූ රාජානුභාවයෙන් යුක්තව ආයුෂ්මත් නාරද ස්ථවිරයන් වහන්සේ දැකීම පිණිස පැමිණියේය. යානයට භූමිය යම්තාක් වේද, ඒතාක් යානාවෙන් ගොස් යානාවෙන් බැස පයින් ගමන් ඇත්තේම ආරාමයට ඇතුළුවූයේය. ඉක්බිති මුණ්ඩ නම් රජ තෙම ආයුෂ්මත් නාරද ස්ථවිරයන් වහන්සේ යම් තැනෙක්හිද, එතනට පැමිණියේය. පැමිණ ආයුෂ්මත් නාරද ස්ථවිරයන් වහන්සේට සකස්කොට වැඳ එකත්පස්ව හුන්නේය.
’’එකත්පස්ව හුන්නාවූම මුණ්ඩ නම් රජුට ආයුෂ්මත් නාරද ස්ථවිරයන් වහන්සේ මෙය වදාළ සේක.
’’මහරජ, ශ්‍රමණයෙකු විසින් හෝ, බ්‍රාහ්මණයෙකු විසින් හෝ, දෙවියෙකු විසින් හෝ, මාරයෙකු විසින් හෝ, බ්‍රහ්මයෙකු විසින් හෝ, ලොකයෙහි කිසිවෙකු විසිනුත් නොලැබිය හැක්කාවූ මේ කරුණු පසක් වෙත්. කවර පසක්ද යත්?
’’ජරා ධර්‍මය නොදිරාවායි,
’’ ශ්‍රමණයෙකු විසින් හෝ, බ්‍රාහ්මණයෙකු විසින් හෝ, දෙවියෙකු විසින් හෝ, මාරයෙකු විසින් හෝ, බ්‍රහ්මයෙකු විසින් හෝ, ලොකයෙහි කිසිවෙකු විසිනුත් නොලැබිය හැකි කරුණක් වේ.
’’ව්‍යාධි ධර්‍මය නොපෙලාවායි ශ්‍රමණයෙකු විසින් හෝ, බ්‍රාහ්මණයෙකු විසින් හෝ, දෙවියෙකු විසින් හෝ, මාරයෙකු විසින් හෝ, බ්‍රහ්මයෙකු විසින් හෝ, ලොකයෙහි කිසිවෙකු විසිනුත් නොලැබිය හැකි කරුණක් වේ. මරණ ධර්‍මය නොමියේවායි ශ්‍රමණයෙකු විසින් හෝ, බ්‍රාහ්මණයෙකු විසින් හෝ, දෙවියෙකු විසින් හෝ, මාරයෙකු විසින් හෝ, බ්‍රහ්මයෙකු විසින් හෝ, ලොකයෙහි කිසිවෙකු විසිනුත් නොලැබිය හැකි කරුණක් වේ. ක්‍ෂය ධර්‍මය ක්‍ෂය නොවේවායි ශ්‍රමණයෙකු විසින් හෝ, බ්‍රාහ්මණයෙකු විසින් හෝ, දෙවියෙකු විසින් හෝ, මාරයෙකු විසින් හෝ, බ්‍රහ්මයෙකු විසින් හෝ, ලොකයෙහි කිසිවෙකු විසිනුත් නොලැබිය හැකි කරුණක් වේ. නැසෙන ධර්‍මය නොනසීවායි, ශ්‍රමණයෙකු විසින් හෝ, බ්‍රාහ්මණයෙකු විසින් හෝ, දෙවියෙකු විසින් හෝ, මාරයෙකු විසින් හෝ, බ්‍රහ්මයෙකු විසින් හෝ, ලොකයෙහි කිසිවෙකු විසිනුත් නොලැබිය හැකි කරුණක් වේ.
’’ මහරජ, අශ්‍රුතවත්වූ පෘථග්ජනයාගේ ජරා ධර්‍මය දිරයි. හෙතෙම ජරා ධර්‍මය දිරූ කල්හි මෙසේ නොසළකයි.
එකලාවූ මාගේම ජරා ධර්‍මය නොදිරයි. වැලිදු සත්ත්‍වයන්ගේ ඊම, යාම, චුතවීම, ඉපදීම යම්තාක් වේද, සියලු සත්ත්‍වයන්ගේ ජරා ධර්‍මය දිරයි. මමද වනාහි ජරා ධර්‍මය දිරූ කල්හි ශොක කරන්නෙමි.
’’වෙහෙසෙන්නම් නම්, වැළපෙන්නෙම් නම්, ළෙහි අත් ගසමින් හඬන්නෙම් නම්, මුළාවට පැමිණෙම් නම් ආහාරයද මට රුචි නොවන්නේය. ශරීරයෙහිද දුර්‍වර්‍ණභාවයට බැස ගන්නේය. කර්‍මාන්තයෝද නොපවත්නාහුය. පසමිතුරෝද සතුටු වන්නාහුය, මිතුරෝද නොසතුටු වන්නාහුයයි,
’’ජරා ධර්‍මය දිරූ කල්හි,
’’ශොක කරයි, වෙහෙසෙයි, වැළපෙයි, ළෙහි අත් ගසමින් හඬයි, මුළාවට පැමිණෙයි.
’’ මහරජ, මේ අශ්‍රුතවත් පෘතග්ජන තෙම විෂ සහිතවූ ශොක නමැති හුලෙන් විදිනා ලද්දේ, තමන්ම තවායයි තියනු ලැබේ.
’’නැවත අනිකක්ද කියමි. මහරජ, අශ්‍රුතවත්වූ ප්‍රතග්ජනයාගේ ව්‍යාධි ධර්‍මය පෙලයි. හෙතෙම ව්‍යාධි ධර්‍මය පෙළූ කල්හි මෙසේ නොසලකයි. එකළාවූ මාගේම ව්‍යාධි ධර්‍මය නොපෙළයි. වැලිදු සත්ත්‍වයන්ගේ ඊම, යාම, චුතවීම, ඉපදීම, යම් තාක් වේද, සියලු සත්ත්‍වයන්ගේ ව්‍යාධි ධර්මය පෙළයි. මමද වනාහි ව්‍යාධි ධර්‍මය පෙළූ කල්හි ශොක කරන්නෙම් වෙහෙසෙන්නම් නම්, වැළපෙන්නෙම් නම්, ළෙහි අත් ගසමින් හඬන්නෙම් නම්, මුළාවට පැමිණෙම් නම් ආහාරයද මට රුචි නොවන්නේය. ශරීරයෙහිද දුර්‍වර්‍ණභාවයට බැස ගන්නේය. කර්‍මාන්තයෝද නොපවත්නාහුය. පසමිතුරෝද සතුටු වන්නාහුය, මිතුරෝද නොසතුටු වන්නාහුයයි, හෙතෙම ව්‍යාධි ධර්මය පෙලූ කල්හි ශොක කරයි, වෙහෙසෙයි, වැළපෙයි, ළෙහි අත් ගසමින් හඬයි, මුළාවට පැමිණෙයි. මරණ ධර්මය මරයි. හෙතෙම මරණ ධර්මය මියගිය කල්හි මෙසේ නොසලකයි. එකළාවූ මාගේම මරණ ධර්මය මියයයි. වැලිදු සත්ත්‍වයන්ගේ ඊම, යාම, චුතවීම, ඉපදීම, යම් තාක් වේද, සියලු සත්ත්‍වයන්ගේ මරණ ධර්මය මියයයි. මමද වනාහි මියගිය කල්හි ශොක කරන්නෙම්, වෙහෙසෙන්නම් නම්, වැළපෙන්නෙම් නම්, ළෙහි අත් ගසමින් හඬන්නෙම් නම්, මුළාවට පැමිණෙම් නම් ආහාරයද මට රුචි නොවන්නේය. ශරීරයෙහිද දුර්‍වර්‍ණභාවයට බැස ගන්නේය. කර්‍මාන්තයෝද නොපවත්නාහුය. පසමිතුරෝද සතුටු වන්නාහුය, මිතුරෝද නොසතුටු වන්නාහුයයි, හෙතෙම මරණ ධර්මය මරණ කල්හි ශොක කරයි, වෙහෙසෙයි, වැළපෙයි, ළෙහි අත් ගසමින් හඬයි, මුළාවට පැමිණෙයි. ක්‍ෂය ධර්මය ක්‍ෂය වෙයි. හෙතෙම ක්‍ෂය ධර්‍මය ක්‍ෂයවූ කල්හි මෙසේ නොසලකයි. එකළාවූ මාගේ ක්‍ෂය ධර්‍මය ක්‍ෂය වෙයි. වැලිදු සත්ත්‍වයන්ගේ ඊම, යාම, චුතවීම, ඉපදීම, යම් තාක් වේද, සියලු සත්ත්‍වයන්ගේ ක්‍ෂය ධර්මය ක්‍ෂය වෙයි. මමද වනාහි ක්‍ෂය ධර්මය ක්‍ෂයවූ කල්හි ශොක කරන්නෙම් වෙහෙසෙන්නම් නම්, වැළපෙන්නෙම් නම්, ළෙහි අත් ගසමින් හඬන්නෙම් නම්, මුළාවට පැමිණෙම් නම් ආහාරයද මට රුචි නොවන්නේය. ශරීරයෙහිද දුර්‍වර්‍ණභාවයට බැස ගන්නේය. කර්‍මාන්තයෝද නොපවත්නාහුය. පසමිතුරෝද සතුටු වන්නාහුය, මිතුරෝද නොසතුටු වන්නාහුයයි, හෙතෙම ක්‍ෂය ධර්මය ක්‍ෂය කරණ කල්හි ශොක කරයි, වෙහෙසෙයි, වැළපෙයි, ළෙහි අත් ගසමින් හඬයි, මුළාවට පැමිණෙයි. නැසෙන ධර්මය නසියි. හෙතෙම නැසෙන ධර්මය නට කල්හි මෙසේ නොසලකයි. එකළාවූ මාගේම නැසෙන ධර්මය නොනසියි. වැලිදු යම්තාක් සත්ත්‍වයන්ගේ ඊම, යාම, චුතවීම, ඉපදීම, වේද, සියලු සත්ත්‍වයන්ගේ නැසෙන ධර්මය නසියි. මමද වනාහි නැසෙන ධර්මය නට කල්හි ශොක කරන්නෙම් නම් වෙහෙසෙන්නම් නම්, වැළපෙන්නෙම් නම්, ළෙහි අත් ගසමින් හඬන්නෙම් නම්, මුළාවට පැමිණෙම් නම් ආහාරයද මට රුචි නොවන්නේය. ශරීරයෙහිද දුර්‍වර්‍ණභාවයට බැස ගන්නේය. කර්‍මාන්තයෝද නොපවත්නාහුය. පසමිතුරෝද සතුටු වන්නාහුය, මිතුරෝද නොසතුටු වන්නාහුයයි, හෙතෙම නැසෙන ධර්මය නට කල්හි, ශොක කරයි, වෙහෙසෙයි, වැළපෙයි, ළෙහි අත් ගසමින් හඬයි, මුළාවට පැමිණෙයි.
’’ මහරජ, ශ්‍රුතවත් ආර්‍ය්‍ය ශ්‍රාවකයාගේද වනාහි ජරා ධර්‍මය දිරයි. හෙතෙම ජරා ධර්‍මය දිරූ කල්හි මෙසේ නොසළකයි. එකලාවූ මාගේම ජරා ධර්‍මය නොදිරයි. වැලිදු සත්ත්‍වයන්ගේ ඊම, යාම, චුතවීම, ඉපදීම යම්තාක් වේද, සියලු සත්ත්‍වයන්ගේ ජරා ධර්‍මය දිරයි. මමද වනාහි ජරා ධර්‍මය දිරූ කල්හි ශොක කරන්නෙමි. වෙහෙසෙන්නම් නම්, වැළපෙන්නෙම් නම්, ළෙහි අත් ගසමින් හඬන්නෙම් නම්, මුළාවට පැමිණෙම් නම් ආහාරයද මට රුචි නොවන්නේය. ශරීරයෙහිද දුර්‍වර්‍ණභාවයට බැස ගන්නේය. කර්‍මාන්තයෝද නොපවත්නාහුය. පසමිතුරෝද සතුටු වන්නාහුය, මිතුරෝද නොසතුටු වන්නාහුයයි,
’’හෙතෙම ජරා ධර්මය දිරූ කල්හි
’’ශොක නොකරයි. නොවෙහෙසෙයි. නොවැළපෙයි. ළෙහි අත් ගසමින් නොහඬයි. මුළාවට නොපැමිණෙයි. මහණෙනි, මේ ශ්‍රුතවත්වූ ආර්‍ය්‍ය ශ්‍රාවක තෙම යමකින් විදින ලද්දාවූ අශ්‍රුතවත් පෘතග්ජන තෙම තමන්ම තවාද, එබඳුවු විෂ සහිතවූ, ශොක නමැති හුල ඇද දැම්මේය. ශොක රහිතවූ, ඇද දමන ලද හුල් ඇත්තාවූ, ආර්‍ය්‍ය ශ්‍රාවක තෙම තමන්ම පිරිනිවේයයි කියනු ලැබේ.
’’නැවත අනිකක්ද කියමි. මහරජ, ශ්‍රුතවත්වූ ආර්‍ය්‍ය ශ්‍රාවකයාගේ ව්‍යාධි ධර්‍මය පෙළයි. හෙතෙම ව්‍යාධි ධර්‍මය පෙලූ කල්හි මෙසේ නොසළකයි. එකළාවූ මාගේ ව්‍යාධි ධර්‍මය නොපෙළෙයි. වැළිදු සත්ත්‍වයන්ගේ ඊම, යාම, චුතවීම, ඉපදීම, යම්තාක් වේද, සියලු සත්ත්‍වයන්ගේ ව්‍යාධි ධර්‍මය පෙලයි. මමද වනාහි ව්‍යාධි ධර්‍මය පෙලූ කල්හි ශොක නොකරන්නෙමි. වෙහෙසෙන්නම් නම්, වැළපෙන්නෙම් නම්, ළෙහි අත් ගසමින් හඬන්නෙම් නම්, මුළාවට පැමිණෙම් නම් ආහාරයද මට රුචි නොවන්නේය. ශරීරයෙහිද දුර්‍වර්‍ණභාවයට බැස ගන්නේය. කර්‍මාන්තයෝද නොපවත්නාහුය. පසමිතුරෝද සතුටු වන්නාහුය, මිතුරෝද නොසතුටු වන්නාහුයයි, හෙතෙම ව්‍යාධි ධර්මය පෙළූ කල්හි ශොක නොකරයි. නොවෙහෙසෙයි. නොවැළපෙයි. ළෙහි අත් ගසමින් නොහඬයි. මුළාවට නොපැමිණෙයි. මහරජ, මේ ශ්‍රුතවත්වූ ආර්‍ය්‍ය ශ්‍රාවක තෙම යමකින් විදින ලද්දාවූ අශ්‍රුතවත් පෘතග්ජන තෙම තමන්ම තවාද, එබඳුවු විෂ සහිතවූ, ශොක නමැති හුල ඇද දැම්මේය. ශොක රහිතවූ, ඇද දමන ලද හුල් ඇත්තාවූ, ආර්‍ය්‍ය ශ්‍රාවක තෙම තමන්ම පිරිනිවේයයි කියනු ලැබේ.
’’මරණ ධර්‍මය මියයි. හෙතෙම මරණ ධර්‍මය මිය ගිය කල්හි මෙසේ නොසළකයි. එකළාවූ මාගේම මරණ ධර්‍මය නොමියයි. වැළිදු සත්ත්‍වයන්ගේ ඊම, යාම, චුතවීම, ඉපදීම, යම්තාක් වේද, සියලු සත්ත්‍වයන්ගේ මරණ ධර්‍මය මියයයි. මමද වනාහි මරණ ධර්‍මය මිය ගිය කල්හි ශොක නොකරන්නෙමි. වෙහෙසෙන්නම් නම්, වැළපෙන්නෙම් නම්, ළෙහි අත් ගසමින් හඬන්නෙම් නම්, මුළාවට පැමිණෙම් නම් ආහාරයද මට රුචි නොවන්නේය. ශරීරයෙහිද දුර්‍වර්‍ණභාවයට බැස ගන්නේය. කර්‍මාන්තයෝද නොපවත්නාහුය. පසමිතුරෝද සතුටු වන්නාහුය, මිතුරෝද නොසතුටු වන්නාහුයයි, හෙතෙම මරණ ධර්‍මය මරණ කල්හි ශොක නොකරයි. නොවෙහෙසෙයි. නොවැළපෙයි. ළෙහි අත් ගසමින් නොහඬයි. මුළාවට නොපැමිණෙයි. මහරජ, මේ ශ්‍රුතවත්වූ ආර්‍ය්‍ය ශ්‍රාවක තෙම යමකින් විදින ලද්දාවූ අශ්‍රුතවත් පෘතග්ජන තෙම තමන්ම තවාද, එබඳුවු විෂ සහිතවූ, ශොක නමැති හුල ඇද දැම්මේය. ශොක රහිතවූ, ඇද දමන ලද හුල් ඇත්තාවූ, ආර්‍ය්‍ය ශ්‍රාවක තෙම තමන්ම පිරිනිවේයයි කියනු ලැබේ.
’’ක්‍ෂය වන ධර්‍මය ක්‍ෂය වෙයි. හෙතෙම ක්‍ෂය ධර්‍මය ක්‍ෂය වෙයි මෙසේ නොසළකයි. එකළාවූ මාගේම ක්‍ෂය ධර්‍මය ක්‍ෂය නොවෙයි. වැළිදු සත්ත්‍වයන්ගේ ඊම, යාම, චුතවීම, ඉපදීම, යම්තාක් වේද, සියලු සත්ත්‍වයන්ගේ ක්‍ෂය ධර්‍මය ක්‍ෂය වෙයි. මමද වනාහි ක්‍ෂය ධර්‍මය ක්‍ෂයවූ කල්හි ශොක කරන්නෙම් වෙහෙසෙන්නම් නම්, වැළපෙන්නෙම් නම්, ළෙහි අත් ගසමින් හඬන්නෙම් නම්, මුළාවට පැමිණෙම් නම් ආහාරයද මට රුචි නොවන්නේය. ශරීරයෙහිද දුර්‍වර්‍ණභාවයට බැස ගන්නේය. කර්‍මාන්තයෝද නොපවත්නාහුය. පසමිතුරෝද සතුටු වන්නාහුය, මිතුරෝද නොසතුටු වන්නාහුයයි, හෙතෙම ක්‍ෂය ධර්මය ක්‍ෂය කරණ කල්හි ශොක නොකරයි. නොවෙහෙසෙයි. නොවැළපෙයි. ළෙහි අත් ගසමින් නොහඬයි. මුළාවට නොපැමිණෙයි. මහරජ, මේ ශ්‍රුතවත්වූ ආර්‍ය්‍ය ශ්‍රාවක තෙම යමකින් විදින ලද්දාවූ අශ්‍රුතවත් පෘතග්ජන තෙම තමන්ම තවාද, එබඳුවු විෂ සහිතවූ, ශොක නමැති හුල ඇද දැම්මේය. ශොක රහිතවූ, ඇද දමන ලද හුල් ඇත්තාවූ, ආර්‍ය්‍ය ශ්‍රාවක තෙම තමන්ම පිරිනිවේයයි කියනු ලැබේ.
’’නැසෙන ධර්‍මය නසියි. හෙතෙම නැසෙන ධර්‍මය නැසුනු කල්හි මෙසේ සළකයි. එකළාවූ මාගේම නැසෙන ධර්‍මය නොනසියි. වැළිදු යම්තාක් සත්ත්‍වයන්ගේ ඊම, යාම, චුතවීම, ඉපදීම වේද, ඒ සියලු සත්ත්‍වයන්ගේ නැසෙන ධර්‍මය නසියි. මමද වනාහි නැසෙන ධර්‍මය නැසුනු කල්හි ශොක කරන්නෙම් නම්, වෙහෙසෙන්නම් නම්, වැළපෙන්නෙම් නම්, ළෙහි අත් ගසමින් හඬන්නෙම් නම්, මුළාවට පැමිණෙම් නම් ආහාරයද මට රුචි නොවන්නේය. ශරීරයෙහිද දුර්‍වර්‍ණභාවයට බැස ගන්නේය. කර්‍මාන්තයෝද නොපවත්නාහුය. පසමිතුරෝද සතුටු වන්නාහුය, මිතුරෝද නොසතුටු වන්නාහුයයි,
’’හෙතෙම නැසෙන ධර්මය නැසුනු කල්හි ශොක නොකරයි. නොවෙහෙසෙයි. නොවැළපෙයි. ළෙහි අත් ගසමින් නොහඬයි. මුළාවට නොපැමිණෙයි. මහරජ, මේ ශ්‍රුතවත්වූ ආර්‍ය්‍ය ශ්‍රාවක තෙම යමකින් විදින ලද්දාවූ අශ්‍රුතවත් පෘතග්ජන තෙම තමන්ම තවාද, එබඳුවු විෂ සහිතවූ, ශොක නමැති හුල ඇද දැම්මේය. ශොක රහිතවූ, ඇද දමන ලද හුල් ඇත්තාවූ, ආර්‍ය්‍ය ශ්‍රාවක තෙම තමන්ම පිරිනිවේයයි කියනු ලැබේ.
’’ශොක රහිතවූ, ඇද දැමූ හුල් ඇත්තාවූ, ආර්‍ය්‍ය ශ්‍රාවක තෙම තමන්ම පිරිනිවේයයි කියනු ලැබේ. මොහු වනාහි ශ්‍රමණයෙකු විසින් හෝ, බ්‍රාහ්මණයෙකු විසින් හෝ දෙවියෙකු විසින් හෝ, මාරයෙකු විසින් හෝ බ්‍රහ්මයෙකු විසින් හෝ ලෝකයෙහි කිසිවෙකු විසිනුත් නොලැබිය හැකි කරුණු පස වෙත්යයි වදාළ සේක’’
(1) ශොක කිරීමෙන්ද, වැළපීමෙන්ද, ස්වල්පවූද ප්‍රයෝජනයකුත් ලැබිය නොහැක්කේය. ශොක කරන්නාවූ, දුකට පැමිණියාවූ, මොහු දැන පස මිතුරෝ සතුටු සිත් ඇත්තෝ වෙත්.
(2) ’’යම් කලෙක්හි වනාහි කරුණාවන්තවූ, අර්ත්‍ථ විනිශ්චයෙහි දක්‍ෂවූ, පණ්ඩිත තෙම විපත්වලදී කම්පා නොවේද, එකල්හි මොහුගේ පසමිතුරෝ විකාර නොවූ, පැරණි මුහුණ දැක දුක් වූවාහු වෙත්.
(3) ’’ගුණ කීමෙන්ද, මන්ත්‍ර පිරවීමෙන්ද, යහපත් වචනයෙන්ද, වස්තු දීමෙන්ද, කුල ප්‍රවේනිය කීමෙන්ද, යම් යම් පරිද්දකින්, යම් යම් තැනෙක්හි ප්‍රයෝජනය ලබන්නේද, ඒ ඒ පරිද්දෙන්, ඒ ඒ තන්හි උත්සාහ කරන්නේය.
(4) ’’ඉදින් මා විසින්ද, අනිකා විසින්ද, මේ අර්ත්‍ථය නොලැබිය හැක්කේයයි දන්නේ නම්, ශොක නොකරන්නාවූ හෙතෙම මාගේ කර්‍මය දැඩිවේ. දැන් කුමක් කරම්දැයි, ඉවසන්නේයයි වදාළ සේක.
’’මෙසේ වදාළ කල්හි මුණ්ඩ නම් රජ තෙම ආයුෂ්මත් නාරද ස්ථවිරයන්ට මෙය කීයේය. ’’ස්වාමීනි, මේ ධර්‍ම පර්‍ය්‍යාය තෙම කවරේද?’’ ’’මහරජ, මේ ධර්‍ම පර්‍ය්‍යාය තෙම ශොක තමැති හුල දුරු කරන්නේ නම් වේය’’ යි කීයේය. ’’ස්වාමීනි, ඒකාන්තයෙන් ශොක හුල දුරු කරන්නේය. ස්වාමීනි, ඒකාන්තයෙන් ශොක හුල දුරු කරන්නේය. ස්වාමීනි, මාගේ වනාහි මේ ධර්‍ම පර්‍ය්‍යාය අසා ශොක නමැති හුල දුරු වූයේය’’ යි කීයේය.
’’ඉක්බිති මුණ්ඩ නම් රජ තෙම පියක නම් කොෂ්ටාරක්‍ෂකයා කැඳවීය. ’’එසේ වී නම් යහළු පියකය, භද්‍රා නම් දේවියගේ සිරුර දවව්. ඈට සෑයක්ද කරව්. දැන් අද පටන් අපි නහන්නෙමු. විලවුන්ද ගල්වන්නෙමු. ආහාරද අනුභව කරන්නෙමු. කර්‍මාන්තයන්ද යොදවන්නෙමු’’ යි කීයේය.’’

ප්‍රතිචාරයක් ලබාදෙන්න

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න /  වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න /  වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න /  වෙනස් කරන්න )

This site uses Akismet to reduce spam. Learn how your comment data is processed.